Te mau tai’o mahana faufa’a

Nā roto i te hō’ē fa’auera’a mana n°79-22 nō te 1 nō fepuare 1979. Nō tō na ti’ara’a fa’aturehia ‘e tō na ti’amāra’a faufa’a, ‘ua riro o ia ‘ei turu pāpū nā te mau mana fa’atere o te Fenua nō te ha’amau i te hō’ē poritita a te hau nō te nohora’a tōtiare o tei riro i te matahiti 2000, Te Pū Nohoau (OPH), pū patura’a ‘e ti’a’aura’a a te hau i te nohora’a tōtiare i Pōrīnetia.

‘Ua anihia i te OTHS ‘ia hōro’a i te mau tauturu mātēriare nā te mau nūna’a i fa’aū i te mau vero rahi « Lisa » ‘e te mau mata’i rorofa’i « Nano », « Orama », ‘e « Reva ».

E hōro’a te Papa ture ‘āpī nō te 6 nō tetepa 1984, i fa’afāna’o i te ‘ōtōnōmī roto nā Pōrīnetia farāni, i te hō’ē mana ture ‘āmui i roto i te mau ‘ohipa ato’a aita i fa’ata’ahia nā te Hau nui. ‘Ua noa’a i te Fenua i te mana rahi nō te nohora’a i reira e nehenehe tā te Hau nui e hōro’a i te tauturu mata’ī ‘e faufa’a. Te poro’i i arahia ‘e te mau « metua », e nehenehe tā te mau Mā’ohi ato’a e ani i te hō’ē ‘ohipa ‘e te hō’ē fare, ‘e, ‘ua tūra’i te reira i te OTHS e fa’afatu i te mau nohora’a o tā na pu’e nohora’a. I muri mai i te mau ‘ati i tupu i te ‘ōmuara’a o te matahiti 1980 ‘e te mau mata’i rorofa’i, ‘ua ha’amauhia te ATR (o tei fa’ahotu i te fare ATR), te ferurira’a i te fa’ahotura’a i te ‘imira’a faufa’a a te mau ta’amotu i ro’ohia i te ‘ati, e tae noa atu i te revara’a i Tahiti o te mau nūna’a i te ha’amaura’ahia te Pū Tāmatamatara’a nō Patitifā (CEP), ‘e te pūai o te mau vero o tei vāvāhi i te mau nohora’a, ‘ua hōro’ahia e rave rahi ‘ohipa nā te EPA « ‘Āfata Tauturu tō te mau motu » (FEI), ‘e tae ato’a atu i te ‘ohipa nohora’a tōtiare i roto i te mau ta’amotu.

‘Ua pāpū te tauturu mata’ī ‘e faufa’a a te Hau nui, i tu’uhia i roto i te Papa ture nō te ‘ōtōnōmī, nā roto i te tu’ura’arima a te hō’ē parau fa’aau-fa’atere nō te ravera’a i te ‘ohipa nohora’a tōtiare i Pōrīnetia farāni, e ‘ua hōro’ahia te ha’amaura’a nā te hō’ē taiete faufa’a ‘āmui « Fare de France ». E patu o ia e rave rahi nohora’a tārahuhia i ni’a i te mau fenua i ha’apa’ohia ‘e i fa’aineinehia nō te patura’a nā te OTHS. E ha’amau teie nei tā’atira’a Hau nui-Hau fenua i te hō’ē tāviri ‘ōperera’a, i rave-fa’ahou-hia nō te mau ‘aufaura’a i muri atu a te Hau nui nō te mau nohora’a tōtiare : - E ‘aufau te Hau nui i te mau tuatāpapara’a ‘e te mau tāpura fa’atupuha’ara’a ‘āmui ‘e aore rā ‘ōtahi, nā roto i te mau patura’a ‘āpī ‘e aore rā nā roto i te fa’a’āpīra’a i te mau nohora’a tahito ; - ‘Ua fa’ahotu te Fenua i tā na mau ‘āpī i roto i te nohora’a tōtiare, nā roto i te hōro’ara’a tāmoni ‘ore i te mau fenua. ‘Ua niuhia te Fa’aaura’a Fa’ahotura’a n°1 (1994-1999) i ni’a e hō’ē ā fa’anahora’a, ‘e tae atu i te ‘āfata fa’atupuha’ara’a nō te fa’ahotura’a ‘imira’a faufa’a ‘e tōtiare o te mau fenua aramoana (FIDES) (1995-1997). E ‘aufau te ‘Āfata nō te Fa’a’āpīra’a i te ‘Imira’a faufa’a nō Pōrīnetia farāni (FREPF) (1996-2003) i ni’a i te fāito e 100 % i te fare parare (Fare MTR), ‘e, nā te mau ta’ata tārahu te fenua.

Nō tā na ‘ohipamātāmua, ‘ua riro o ia ‘ei pū patura’a a te hau nō te nohora’a tōtiare (tēnuare 2000), ‘āre’a ho’i te Taiete nō te Fa’anahora’a ‘e te Ti’a’aura’a i te Faufa’a tumu (SAGEP) (nō roto mai i te ta’a’ēra’a a te SETIL) e ha’a noa o ia ‘ei pū fa’anaho nō te Fenua (tiurai 2001), ‘e te FEI (i riro ‘ei « ‘Āfata Fa’ahotura’a i te mau Ta’amotu » FDA) i ni’a i te mau tauturu i te mau nohora’a ‘ōtahi (Fare ‘e AAHI) i roto i te mau ta’amotu. ‘Ua tāpae teie mau tauira’a i ni’a i te hō’ē fa’anahora’a mana naho maita’i. Ha’apāpūhia ‘e tō na ti’ara’a pū patura’a, ‘ua ha’amata o ia i te hō’ē fa’anahora’a fa’ahou ‘ia riro mai o ia ‘ei hōtārahu hope. E ha’apa’o fa’ahou o ia i te ti’a’aura’a o te mau tuānoho o tā na pu’e nohora’a, i hōro’ahia i te SETIL (SAGEP) mai te matahiti 1985.

‘Ua fa’a’ite te hō’ē māhu’ira’a i te matahiti 2005 ē, te hope’a poritita faufa’a o te fa’a’āpī i te faufa’a o te nohora’a. ‘Ua ‘itehia e 22 ‘ohipa niuhia i ni’a i te hō’ē tumu ‘e ‘ua hōro’ahia te hō’ē tāpura arata’ira’a nō te nohora’a nō te roara’a tau 2007-2016 nō te pāhono i nā matamēha’i e 2 : - Tāpura ‘e ‘aufau i te fa’ahotura’a o te turu tōtiare ; - ‘E, e ha’amau i te hō’ē tāpura ‘arora’a pāpū i te rūpehupehu.

Te hope’ara’a a te mau ‘ohipa a te mau Rurura’a rahi nō te Nohora’a ‘e te mau nohora’a au ‘ore, ha’apāpūhia ‘e te mau tītorora’a tōtaiete, o te pāpa’ira’a i te « Puta Tea o te nohora’a tōtiare a te OPH », o tei fa’a’ite i tō na mau pūai ‘e tō na mau paruparu, ‘e, o te hōro’a iho ā rā i te mau ‘avei’a ‘e te hō’ē tāpura ‘ohipa, e fa’anaho-fa’ahou-ra’a a te Pū nō te maita’i o tā na mau hōani (E ha’apāpūhia te OPH ‘e te Iso 9001 i te matahiti 2008).

Fa’a’ā’anora’a ihianoa o te mau ‘ohipa ‘e fa’aōra’a tuha’a o te mau rave ‘ohipa a te ‘Āfata Fa’ahotura’a i te mau Ta’amotu (FDA), pi’ihia i te mātāmua rā te FEI, ‘e tae atu i te SAGEP (Taiete nō te Fa’anahora’a ‘e te Ti’a’aura’a i te Faufa’a tumu) i roto i te OPH.

Nō te 2ra’a o te Fa’aaura’a ‘Ōpuara’a i tu’urimahia i rotopū i te Hau nui ‘e te Hau fenua, nō te tau 2015-2020, ‘ua ‘itehia te mau fifi nō te ravera’a maoro o te ‘ōpuara’a mātāmua ‘e, ‘ua ferurihia i te hō’ē fa’anahora’a rave maita’i a’e, e fa’ati’a i te ravera’a ‘oi’oi a’e o te mau ‘ohipa.

Tu’ura’arima i rotopū i te CPS ‘e te OPH i te hō’ē fa’aaura’a tāpiri i te parau fa’aau i ni’a i te « Tauturu ‘utuāfare nō te nohora’a ». Te tumu parau a teie nei fa’aaura’a tāpiri o te mau tītaura’a rahi o te ‘aitauira’a parau roro uira, nō te fa’a’ōhiera’a ‘e nō te fa’aihotere i te fa’anahora’a o te mau ha’amāramaramara’a ‘e te nūmerara’a i te tauturu, ‘e, e fa’ati’a ‘ia fa’atoro i teie tauturu i te tā’ato’ara’a o te mau ta’ata tārahu nohora’a a te OPH e fa’atae mai i te anira’a.

Ha’apāpū i te ti’aturira’a ‘e te hō’ē hi’ora’a ateate a te mau pū ‘āpī faufa’a

Te hō’ē OPH fa’anaho-fa’ahou-hia nō te pāhono maita’i i te Poritita o te Nohora’a