Fa’ahitira’a fa’aturehia

Māuruuru i te tai’o maita’i i teie mau tītaura’a fa’a’ohipara’a a teie nei tahua natirara hou a ‘auhe’e. ‘Ia tūhono ‘oe i ni’a i teie nei tahua natirara, e fāri’i hope ‘oe i teie mau tītaura’a.

E tae’ahia ‘ia ‘auhe’e i ni’a i te tahua natirara ‘e te url https://oph.pf. E fa’a’ohipahia o ia nā roto i te fa’aturara’a i te ture farāni. E ti’a’auhia te fa’a’ohipara’a a teie nei tahua natirara ‘e teie mau tītaura’a rahi. ‘Ia fa’a’ohipa ‘oe i teie nei tahua natirara, tē fa’a’ite nei ‘oe ‘ua tai’ohia nā ‘oe teie mau tītaura’a ‘e ‘ua fāri’ihia nā ‘oe. E nehenehe rātou e tauihia i te mau taime ato’a mā te ‘ore e poro’i nā te Taiete OPH.

Aita e nehenehe e pari i te OPH nō te hō’ē fa’a’ohipara’a tano ‘ore a teie nei ‘ohipa.

#Prox-i, Pū ha’arau ‘e tānūmerahia

Pū ha’apararera’a parau ‘aravihi i roto i te ha’amaura’a i te mau tahua natirara i Tahiti, mauiha’a ‘āfa’ifa’i putu parau uira ‘e tauturu ha’apararera’a nūmerahia.

‘Āfata rata 2866 Papeete – 98713

Tahua 3 Centre Vaima, piha ‘ohipa 85

[email protected]

https://www.prox-i.pf

Mea pāpū te mau ha’amāramaramara’a e vai i ni’a i teie nei tahua natirara ‘e, e fa’a’āpī-pinepine-hia te mau parau, terā rā e vai te tahi mau parau tano ‘ore, te tahi mau parau i mo’ehia ‘e aore rā te tahi mau mā’irira’a. Mai te peu e ‘ite ‘oe i te hō’ē mā’irira’a, te tahi hape ‘e aore rā te tahi huru-’ē-ra’a, māuruuru i te fa’aarara’a mai ma te fa’a’ohipa i tā mātou ‘api honora’a nā roto i te fa’a’itera’a pāpū maita’i i te fifi (‘api tei reira te fifi, ‘ohipa e fa’atupu i te fifi, huru mātini roro uira ‘e te arata’i i fa’a’ohipahia, …).

Tei raro a’e i te uta’a o te ta’ata fa’a’ohipa i teie tahua natirara te mau ‘ohipa ato’a e hurihia mai. Nō reira, aita e nehenehe e pari i te OPH ‘ia fifi noa atu te mātini roro uira a te ta’ata fa’a’ohipa ‘e aore rā ‘ia mo’e tā na mau parau putuhia i muri mai i te hurira’a mai.

Aita te OPH e amo i te uta’a o te mau hono pu’e parau roro uira i ha’amauhia i roto i teie nei tahua natirara nō te hono atu i te tahi mau parau e vai nei i ni’a i te rēni natirara.

E ti’a’auhia teie mau tītaura’a nā te ture farāni ‘e nā te mau tiripuna o te fenua tei reira te pū rahi a te OPH e ha’avā i te mau mārōra’a ‘e te mau pāto’ira’a o tei fā mai nō te fa’ata’ara’a ‘e aore rā te fa’a’ohipara’a a teie mau tītaura’a.

‘Ia au i te ture 78-17 nō te 6 nō tēnuare 1978 (tauihia nā te ture 2004-801 nō te 6 nō ‘atete 2004 nō te pārurura’a i te mau ta’ata i te ravera’a o te mau parau ta’ata iho) nō te ihirorouira, i te mau putu’ite ‘e te mau ti’amā, ‘ua fa’a’itehia te tahua natirara i te Tōmite farāni nō te ihirorouira ‘e te mau ti’amā (cnil.fr). 

E fatuhia te mau parau ato’a e vai nei i ni’a i teie nei tahua natirara, ma te tai’o tā’ōti’a’ore, i te mau huru pāpa’ira’a hoho’a, hoho’a, parau, vīteo, fa’aha’utira’a, ta’i, tāpa’o, hoho’a ha’uti ‘e itona ‘e tae atu i tō rātou fa’ahurura’a ‘e te taiete OPH ‘eiaha rā te mau tāpa’o huru rau ‘e te mau parau a te tahi mau taiete tā’ati ‘e aore rā tāparau.

E ‘ōpanihia te mau fa’ahoho’ara’a, ‘ōperera’a, tauira’a, fa’atanora’a, ha’apurorora’a ‘e aore rā nene’ira’a, noa atu te tahi noa tuha’a, a teie mau parau ta’a ‘ē mai te peu aita te OPH i hōro’a i te hō’ē parau fa’ati’ara’a i pāpa’ihia. E riro teie nei fa’a’itera’a ‘e aore rā fa’ahoho’ara’a, noa atu te rāve’a, ‘ei hāmanira’a nīnīture o tei fa’autu’ahia ‘e te mau ‘irava L.3335-2 ‘e ‘ia au i te Ture nō te fatura’a mana’o fa’atupu ‘ohipa.E riro te fa’atura-’ore-ra’a a teie nei ‘ōpanira’a ‘ei hāmanira’a nīnīture o tei hōpiri i te uta’a tīvira ‘e utu’a a te ta’ata hāmani nīnīture. E hau atu, e nehenehe tā te mau fatu a teie mau Parau i fa’ahoho’ahia e horo ia ‘oe i mua i te ture.

I pīha’i iho mai, nō te ha’amaura’a i teie nei tahua natirara ‘ua tītauhia te mau ‘ohipa nō rāpae mai o tā mātou i fatu mai i te mau ti’ara’a ‘e aore rā te vai mātara noa te mau ti’ara’a fa’a’ohipara’a :

Outscale, ha’amanahia ‘ei ha’apārahira’a i te mau parau ea

1 rue Royale, 92210 Saint-Cloud, France

[email protected]

https://fr.outscale.com/

Tei nā roto i te reo  HTML5 ‘e CSS3 teie nei tahua natirara, nō te hō’ē fa’a’ohipara’a nahonaho ‘e te hō’ē pāpa’ira’a hoho’a au maita’i, te ani nei mātou ‘ia fa’a’ohipa i te mau arata’i nō teie nei tau mai ia Safari, Firefox, Chrome ...

E fa’a’ohipa te OPH i tā na mau rāve’a ato’a, nō te hōro’a i te hō’ē ha’amāramaramara’a pāpū ‘e te hō’ē fa’a’āpīra’a pāpū o tā na mau tahua natirara. Teie rā, e nehenehe e fārerei i te tahi mau hape ‘e aore rā mā’irira’a. E anihia i te ‘ainati ‘ia ha’apāpū i te tanora’a o te mau ha’amāramaramara’a i pīha’i iho i te OPH, ‘e, e fa’a’ite i te mau tauira’a ato’a o te tahua natirara tā na e mana’o rā e mea tano. ‘E’ere nā te OPH te uta’a o te fa’a’ohipara’a a teie mau ha’amāramaramara’a, ‘e tae atu i te mau tū’ino ti’a ‘e aore rā ti’a’ore e tupu mai.

Nō te ‘ohipa tai’ora’a rau ‘e piara’a, e fa’a’ohipa teie nei tahua natirara i te mau tūtī. E putu’ite parau pāpa’i na’ina’i putuhia i ni’a i tā ‘oe pehe putu nō te ha’amana i te mau parau mata’ī i ni’a i tā ‘oe huru ‘auhe’e. Aita te tahi tuha’a a teie nei tahua natirara e tere maita’i mai te peu aita te mau tūtī e fa’ati’ahia.

E nehenehe tā te tahua natirara a te OPH e pupu atu i te mau hono nō te tahi mau tahua natirara ‘e aore rā te tahi mau parau e vai nei i ni’a i te natirara.

Aita tā te OPH e rāve’a nō te hi’opo’a i te mau tahua natirara i honohia e tā na mau tahua natirara. Aita te OPH e pāhono i te vatara’a o taua mau tahua natirara rā ‘e parau nō rāpae mai, aita ato’a o ia e ha’apāpū atu. Aita e nehenehe e parau nā na te uta’a o te mau ‘ino ato’a, noa atu te huru, nō roto mai i te mau parau a teie mau tahua natirara ‘e aore rā a te mau parau nō rāpae mai, te mau ha’amāramaramara’a iho ā rā, hotu ‘e aore rā ‘ohipa o tā rātou e hōro’a nei, ‘e aore rā te mau fa’a’ohipara’a ato’a a teie mau parau. Te mau fifi nō roto mai i teie nei fa’a’ohipara’a nā te ‘ainati te hape, o tē tītauhia ‘ia fa’atura i tā rātou mau tītaura’a fa’a’ohipara’a.

Aita e nehenehe i te mau ta’ata e fa’a’ohipa i te tahua natirara a te OPH e tu’u i te hō’ē hono roro uira i ni’a i teie nei tahua natirara mai te peu aita te OPH i fa’ati’a nā mua.

Mai te peu e hina’aro te ta’ata fa’a’ohipa ‘e aore rā te ta’ata ‘auhe’e e tu’u i te hō’ē hono roro uira i ni’a i te tahua natirara a te OPH, e tītauhia o ia ‘ia fa’atae i te hō’ē anira’a ‘e te ‘api parau e vai nei i ni’a i te tahua. Tei ia te OPH te mana nō te fa’ati’a ‘e aore rā nō te ‘ōpanira’a i te hō’ē hono roro uira ma te ‘ore e ha’apāpū i tā na fa’aotira’a.

Te vai nei te OPH nō tā ‘oe mau parau ‘e aore rā mau mana’o.

E nehenehe tā ‘oe e hono mai ia mātou ‘e tā mātou ‘api parau e vai nei i ni’a i te tahua.